識玩識食梗係識用APP

疫情肆虐，大家的日常工作同生活都進入新常態。社交距離措施稍微放寬，2022年第二期消費券派發在即，想去行下商場，但你又知唔知原來好多商場都有自家APP,下載之後登記成為會員，消費之餘同時儲分，積分可以用來換購商品。今期為大家講下如心廣場Nina Club APP,一文睇曬Nina Club最新優惠！

打開個APP,進入優惠頁面，圖文並茂睇到曬期間限定店、最新可用積分換購的商品同禮品等等。進入探索頁面，根據搜尋分類，可以好快搵到心水的商鋪和食肆。在美食薈萃分類當中，超過25間不同風味特色美食的食肆都可以在如心商場一期和二期搵得到。一APP在手的方便之處，係可以選擇即時取票，真係慳返唔少排隊等位的時間，又可以行多陣街。

如心商場一期和二期合共提供約400個泊車位。Nina Club APP利用實時數據收集，係泊車的頁面，可以睇到如心商場一期和二期分別有幾多可用車位。逢星期一至五，仲可以憑電子消費單據享泊車優惠禮遇。

呢個APP仲有一個貼心之處，就係當我地查閱賬號內積分之後，想同家人朋友開心share,積分係可以轉贈的。呢個都算係一個成功的推廣手段，幫助吸引更多人登記成為會員。首次登記成為會員，仲即時有500 Nina Club 積分！

做個精明消費者，識玩識食梗係要識用商場APP！